සිකුරාදා හවස්වරු
සිකුරාදා හවස්වරු තුටින් ඉපිලෙන්න කාරණා මැවෙන වරු සතියක ඇවෑමෙන් නුඹ එන බවට ඉගි ලැබෙන වරු කුස්සිය පුරාවට නෙක සුවඳ පැතිරෙයි රෝස පදුරට සමුදී රෝස මල් කිනිති සාලෙ හිද හිනැහෙයි සිහින් සරින් කසුන් කල්හාර කොළ පාට හැලුණු ඈත නිම්නයක් ගැන ගයයි හවස පහේ කනිසමට දුම්රියේ නළාව ඇසෙයි සතියක වෙහෙස දරාගෙන නුඹ ගෙට ගොඩ වෙද්දි මං ඉන්නෙ තුටින් ඉපිලෙන හදවතින් ඉඟුරු දාපු ප්ලේන්ටි ගෙදර හදාපු චොකලට් කේක් දිග කතාවකට රස විරාම බැල්කනියෙ අයිනක කළාල මත සාදය ඇරඹෙයි සතියක නිහඬ බව බිදී කතා මලු සිනා සේල දිග හැරෙයි තරු එකින් එක පායා එයි සිහිල් සුළගක එතී සමන් පිච්ච සුවදක් දැනෙයි ජීවිතේ සුන්දර ද මෙතරම් නුඹ අසළ දී මට සිතෙයි